هدیة الی روحک ابا مختار

الشاعر القدیر اسماعیل الضبی یبدع

الآسه المرنی اعله فگدک عوضلعین

فترشوفی و وصالک عوضلعین

حرف فاء مس عشگنه عوضلعین

وتراشگنه ابفشگنه وشفنه اذیه

الشاعراسماعیل الضبی

الشعر الجمیل

ابات الیــــل عیـــنی چنبیهه

 

اسفهه وایهال تلعب چنبیهه

 

های ادیــار اهلنه الچنبیهه

 

تهدم ســـاسه وامست خلیه

 

 

عبود الحاج سلطان الزرگانی

جمال الابوذیة

یتیمه الدمعه صرخت وین ولدای

او عمق جرح الی مضمد چان ولدای

ولد هلناس عصت الشیب ولدای

عصه ابراس شیبی اتدگ علیه

میلاد ابوعمران الکعبی

روحک الجنه یاابامختار

ابوذیات لشاعرالمرحوم ستارابومختار

✏✏✏✏✏✏✏✏

ابزودوعزم عل باطل هدینه.

وعل ذل لاتظنلحظه هدینه.

ابسهوله العزه ماجتنه هدینه. 

الهه اروح یوم الموزمیه

من صغری الهظم والذل مبیته.

وشخص الموفی ابیتی مبیته.

النشمی لوسقانی السم مبیته.

السبب لن چی جسور وبیه حمیه.

علیه عطف ربی منجیته.

وصدیقی غلگ بابه منجیته.

وگع شفته ابهبیه منجیته.

طلع وانوب ذبانی ابهبیه.

الدنیه ابمغزل الحسبه لفتنی.

ومصایب من بعض ربعی لفتنی.

الصاحب کون لاخاءن لفتنی.

یصیروللاخویوگف تچیه.

سهم غدرالوکت یهلی مشلکم.

عسه والحزن لعداکم مشلکم.

اعله جمرالشوگ اجی حافی مشلکم.

وگلکم های روحی الکم هدیه.

احب اسکن اویاکم وابذللکم.

یهلی وعمری ارخصه وابذللکم.

اعله موتی اقبل اوقع وابذل الکم.

ماقبل وحگ سیدالبریه.

صوب البطل حدالموت منجار.

وانه ابهذاالملک ملاک منجار.

الاخومنجورهذاالوکت منجار.

گلتله ابشروذب جورک علیه.

وی کل ریح الیهب ماهبینه.

وخصال الماهی زینه ماهبینه.

احنه امن المنایه ماهبینه.

والنه المجدضل یاخذتحیه.

اعله طولی امشی شبه صل ماسبانی.

وبهلی دوم امجدماسبانی.

الخصم یخسه سبیته ماسبانی.

ابزودی و زوداخوتی اهل القضیه.

تسترلیش وجه الدجل ینگاب.

وتقبل لیش بیت المجد ینگاب.

ابکوصرنه وعیت وشفت ینگب.

اخوی الحاطه حارس علیه. 

الی ثوب الصبربیدی حکیته.

کتمت السرولامره حکیته.

الوطن مورسم رسمیته حکیته.

اعله صدری وگلبی حشم جیبه الیه.

حقدوغضب علیه چیلمنه.

اعله فعله وشمل گومی چیلمنه.

عدوی انچان ثارت چیله منه.

اخوی ارداف ثورهن علیه.

الگلب یوم الذی کثرت عداله.

وحملی من ثگل وصعب عداله.

انضل حسب احشمنه عداله.

مایدری عناداهوای بیه.

جبین المجدنورالنصرشعبه.

وکلام الزین بس لزین شعبه.

الضحه ماخسرمن اجل شعبه.

خسرذاک العمیل الباع اخیه.

الدنیه من دیاراهلی یلتنی.

وصوب الحزن بل گوه یلتنی.

اموتن میت الف مره یلتنی.

ولاشوفن شعبنه ابهل اذیه.

جدمنه اعله الهظم والذل مجدنه.

وبینه افتخروتنومس مجدنه.

ابکتاب النزله الباری مجدنه.

وعلینه ابزودنه فوگ الثریه.

عسمه اویای شوصرتی دنیتی.

وجفتی وبلاسه صوبی دنیتی.

الیه ادراق المفارگ دنیتی.

وخذیتی الموسهل فرگاه علیه.

    

الوکت نفس الوکت ماگول بلمال.

الصبرمن هل مصایب گلت بلمال.

البعض شوتنشره وتنباع بلمال.

وتعین اهل الرده اعله اهل الحمیه.

لیال العسرصالن وردمنه.

وسگینه احنه ابصبرنه وردمنه.

ردی انعرفه خصمنه وردمنه.

الف مره الاله صایرتچیه.

النخانی ورکضت صوبه حفانی.

گعدصبح علی والضدحافانی

الحیف اشتنفع امن نطق حفانی.

اذنب ذنبی امنت وانگضت بیه.

عاراتسلح اسلاحک علل خل.

یخل وابگلب الیضدنه علل خل.

دخل ابزودنتخیل عللخیل.

ونقیراعله الذی قازی الثنیه.

✏✏✏✏✏✏✏ 

روحک الجنه یابامختار



منگدالبواچی اعیک اعیون احمودهل رمده...

وسکنت بلمگبره احذاک تبچی ابدم الک حمده...

سیف السانک البتار وسفه نایم ابغمده...

ستاراگعدکافی النومه .

شهاب ابومیثم فی حگ المرحوم ستار

جمال الشعر

اتفاگ العسر عل رشاش صرطان

 علیه، وفرغن شانات صرطان

خطنی وصار لیه الوکت صرطان

 واظل للموت عایش بالاذیه 

 ک.ابوریسان الکعبی

ابداع ااشعری

أرج أبمهد جرحی ولیت حدرای

حصل وبلوعه ادور کون حدرای

ألربع ویالشماته أطبگت حدرای

أحفرت خاطر یذبونی أبهبیه

(حشه الطیبین)

ک .محمد کاظم مزرعه

ابداع الابوذیة

جسر و احمل ثگل رکهم وبلهم

و علی تعبر مرابعهم وابلهم

طمع ما ردت من عدهم وابلهم

السکوت و بل سکوت اگطعو بیه

 

حمد الاعطیوی

ابکل قیمه اشتری الصاحب و سعرای

و لجله ابنار اذب نفسی و سعرای

اریدنلی عدو عاجل وسعرای

ولا صاحب جهول و بی اذیه

 

حمد العطیوی

ابحگی تشهد العدوان واتغار

ولا همن ابشی الصعب واتغار

انشحن گلبی من الخوان و اتغار

ابغبن و انهدم رکن الصبر بیه

 

حمد العطیوی

الغبر لدعی علیه اب مرض ماثار

ومثل فشگ اشداده ابضیج ماثار

الخارم لودگله الباب ماثار

ایتمگطع جن گضیب ابحلگ حیه

 

حمد العطیوی

صحیب الینفع الصاحب وشاله

یخیطله فتگ دهره وشاله

من الدیباج فصله وشاله

یگله البس وانه راعی حمیه

 

حمد العطیوی

فتگی وحدی اخیطنه وشیله

ودمع العین ما بطل وشیله

اطبعت لذل ردت حمله وشیله

کلف موعادتی یصعب علیه

 

حمد العطیوی

 

ابداع الشاعر ابوعسکر الحمدانی

الفرح مامرعلی بجفاک ........عمران

اوقهرمشحون جسمی اوموش عمران

صفه حالی کمریم بنت .........عمران

ابمخاض اومای وصلک شح علیه...

ک:ابوعسکرالحمدانی